அந்தமானில் அப்துல் கலாம்

சமீபத்தில் அப்துல் கலாம் அவர்கள் அந்தமானுக்கு வந்தார்கள். ஒரு வாரம் முன்னாடி தான் வர்ற தகவல் கெடெச்சது. சரி தமிழர் ஆச்சேன்னு இங்கே தமிழர் சங்கம் இலக்கிய மன்றம்ன்னு ஏதாவது ஒரு பேனர்ல கூப்பிட்டுப் பாப்போம்னு பார்த்தோம்.

ஒரு வழியா கலாம் ஐயாவுக்கு ஒரு இ மெயில் அனுப்பிட்டு பதிலுக்கு, (இப்போ நம்ம அருள் ரீ யூனியன் வேலையில மண்ட காஞ்சி நிக்கிற மாதிரி) நின்னேன். கலாமும் அந்தமான் வந்து இறங்கிட்டார். அது வரைக்கும் அப்பாயிண்ட்மென்ட் பத்தி தகவல் இல்லை. விசாரித்ததில் ஏதோ டிபென்ஸ் வேலைக்காக வந்ததினால சிவிலியன்களோட ஏதும் புரோகிராம் இல்லைன்னு தெரிந்தது. நானும் என்னோட ஆபீஸ் வேலையை பாக்க ஆரம்பிச்சுட்டேன்.

சாயந்திரம் 4.45க்கு கலாம் அய்யாவோட பி ஏ கிட்டேயிருந்து ஒரு போன். 5.15 முதல் 5.20 வரை நீங்கள் அவரை சந்திக்கலாம். 10 நபர்கள் வரை அழைத்து வரலாம்.

இது தான் போன் மூலம் வந்த செய்தி.

அரை மணி நேரத்தில் நல்ல டிரஸ் போட்டு கிளம்புறப்ப, என்னோட பையன், “அப்பா, கலாமை பாக்க நானும் வரட்டுமா”ன்னான். சரின்னு அவனையும் கூட்டிட்ட்டு போய் சேந்தாம் கவர்னர் மாளிகைக்கு.

பத்து பேரில் இரண்டு பொடிசுகள் மத்த எட்டு பேர் பெரிசுகள். கலாம் அய்யாவை தரிசித்தோம். அவரும் கூலா..பெரிசுகளைப் பாத்து ...வாங்க.. போட்டோ தானே வேணும். பிடிங்க என்று போஸ் கொடுத்து ஒரு நிமிடத்தில் விரட்டி விட்டார். பொடியன்களுடன் 4 நிமிடங்கள் பேசினார்.

ரெண்டு நாள் கழித்து என் பையன் கேட்டான், "அப்பா, What is corruption?"

ஏன்டா இதக் கேக்கிறேன்னேன். எனக்கு வந்த பதில் "Kalamji discussed on that day to bring Corrupt free nation".

கலாம் அய்யாவுக்கு நல்லாத் தெரிஞ்சிருக்கு எதை எங்கே விதைக்கனும்னு. வாழ்க கலாமும் அவரின் வல்லரசுக் கனவும்.